തിരുവനന്തപുരം : മൃഗശാലയില്നിന്ന് പന്നിമാന് പുറത്ത് ചാടി. വ്യാഴാഴ്ച രാവിലെ ഒമ്പതോടെയാണ് സംഭവം. നാട്ടുകാര് വിവരമറിയിച്ചതോടെയാണ് മാന് പുറത്തുപോയ വിവരം മൃഗശാല അധികൃതര് അറിഞ്ഞത്. ജീവനക്കാര് സമീപപ്രദേശങ്ങളില് നടത്തിയ തെരച്ചിലില് കനകനഗറിലെ ഒഴിഞ്ഞ പറമ്പില്നിന്ന് കണ്ടെത്തുകയായിരുന്നു. തുടര്ന്ന് മൃഗശാല ഡോക്ടറെ വിളിച്ചുവരുത്തി മയക്കുവെടി വെച്ച് പിടികൂടി. മണിക്കൂറുകളെടുത്താണ് മാനിനെ തിരികെ മൃഗശാലയിലെത്തിച്ചത്. മാനിന് മറ്റ് കുഴപ്പങ്ങളൊന്നുമില്ലെന്ന് മൃഗശാല അധികൃതര് അറിയിച്ചു.
മാൻ വർഗ്ഗത്തിൽപ്പെട്ട ജീവികളിൽ ഏറ്റവും വലിപ്പം കുറഞ്ഞ ഇവയുടെ ചെറിയ തേറ്റകളാണ് പന്നിമാൻ എന്ന പേരിൽ അറിയപ്പെടാൻ കാരണമായിരിക്കുന്നത്. ഇവയുടെ മൂക്കിന് എലിയുടെ മൂക്കുമായി സാദൃശ്യമുണ്ട്. ആൺ മൃഗങ്ങളുടെ തേറ്റകൾ അവയെ തിരിച്ചറിയാൻ സഹായിക്കുന്നു. ഒരുവര്ഷത്തിന് മുമ്പ് സമാനമായി മാന് പുറത്ത് ചാടിയിരുന്നു. മാനുകളുടെ കൂടിന് സമീപമുള്ള ചുറ്റുമതിലിന് ഉയരക്കുറവുണ്ടെന്ന് അന്നുമുതല് ആക്ഷേപമുയര്ന്നിരുന്നു. സംഭവത്തില് ആര്ക്കെങ്കിലും വീഴ്ചയുണ്ടായിട്ടുണ്ടോ എന്നതടക്കമുള്ള കാര്യങ്ങള് പരിശോധിക്കുമെന്നും മൃഗശാല അധികൃതര് അറിയിച്ചു.
