കോട്ടയം: കോട്ടയത്ത് പതിനൊന്ന് വയസുകാരനെ ജീവനൊടുക്കിയ നിലയിൽ കണ്ടെത്തി. കോട്ടയം തിടനാട്ടിലാണ് സംഭവം. തിടനാട് ടൗണില് വാടകയ്ക്ക് താമസിക്കുന്ന സുഭാഷിന്റെ മകന് ആമോസ് ആണ് മരിച്ചത്. ഫുട്ബോള് കളിക്കുന്നതിനിടെയുണ്ടായ തര്ക്കത്തെ തുടർന്നാണ് കുട്ടി ജീവനൊടുക്കിയതെന്നാണ് നിഗമനം. വ്യാഴാഴ്ച വൈകുന്നേരം ആണ് സംഭവം. സ്കൂൾ വിട്ട് എത്തിയ സുഭാഷിന്റെ മക്കളായ അമോസും സഹോദരനും ഫുട്ബോള് കളിക്കാൻ പോയി. കളിക്കിടെ അമോസും സഹോദരനും തമ്മിൽ തര്ക്കം ഉണ്ടാകുകയായിരുന്നു. തര്ക്കത്തെ തുടര്ന്ന് ആമോസ് വീട്ടിലേക്ക് മടങ്ങി. പിന്നീട് ആത്മഹത്യ ചെയ്തുവെന്നാണ് വിവരം. ഫുട്ബോള് കളി കഴിഞ്ഞ് വീട്ടിലെത്തിയ സഹോദരനും ജോലി കഴിഞ്ഞെത്തിയ പിതാവ് സുഭാഷുമാണ് കുട്ടിയെ മരിച്ച നിലയിൽ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പോലീസ് അന്വേഷണം ആരംഭിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
