ഉഴവൂർ : മലയാള സിനിമാ പ്രവർത്തകർ വർഷങ്ങളായി ആവശ്യപ്പെട്ട് വന്നിരുന്ന 12 മണിക്കൂർ തൊഴിൽ സമയം എന്ന ആവശ്യം ഫെഫ്ക്കാ യൂണിയനും കേരള ഫിലിം പ്രൊഡ്യൂസേഴ്സ് അസോസിയേഷനും തമ്മിൽ കരാറിൽ ഒപ്പുവെച്ചു. ഇതോടെ സിനിമ മേഖലയില് വർഷങ്ങളായി തൊഴിലാളികൾ അനുഭവിച്ച് വന്നിരുന്ന തൊഴിൽ സമയവുമായി ബന്ധപ്പെട്ട പ്രശ്നത്തിന് ശാശ്വത പരിഹാരമായി.
ആൽഫൈൻ പ്രൊഡക്ഷൻസിന്റെ ബാനറിൽ അജയൻ വർഗീസ് നിർമ്മിച്ച് സാബു ജയിംസ് സംവിധാനം ചെയ്യുന്ന സെവൻ സെക്കൻഡ്സ് എന്ന സിനിമയുടെ സെറ്റിൽ ഫെഫ്കയുടെ യൂണിയൻ പ്രവർത്തകർ ലഡു വിതരണം ചെയ്തുകൊണ്ട് സന്തോഷം പങ്കുവെച്ചു. പുതിയ മാറ്റത്തെ കൈയ്യടികളുടെ പ്രവർത്തകർ സ്വാഗതം ചെയ്തു. ഡയറക്ടർ സാബു ജയിംസ് സിനിമയുടെ എക്സിക്യൂട്ടീവ് പ്രൊഡ്യൂസർ നിയാസിന് ലഡു നൽകിക്കൊണ്ട് സന്തോഷത്തില് പങ്കുചേര്ന്നു. Seven Seconds എന്ന സിനിമയുടെ സെക്കന്റ് ഷെഡ്യൂൾ കോട്ടയം ജില്ലയുടെ വിവിധ ഭാഗങ്ങളിൽ പുരോഗമിക്കുന്നു.
