ആലപ്പുഴ: കാര്ത്തികപ്പള്ളിയില് പതിമൂന്ന് വയസുകാരി തൂങ്ങി മരിച്ചു. കാര്ത്തികപ്പള്ളി വലിയകുളങ്ങര സ്വദേശിനി അശ്വതിയുടെ മകള് ഹര്ഷയാണ് മരിച്ചത്. ഇന്ന് രാവിലെയാണ് ഹര്ഷയെ വീട്ടില് മരിച്ച നിലയില് കണ്ടെത്തിയത്. അമ്മ വഴക്ക് പറഞ്ഞതില് മനംനൊന്താണ് ആത്മഹത്യ എന്ന് പോലീസ് പറഞ്ഞു. മൃതദേഹം പോസ്റ്റ്മോർട്ടത്തിനായി വണ്ടാനം മെഡിക്കല് കോളെജ് ആശുപത്രിയിലെത്തിച്ചു. അശ്വതിയുടെ ആദ്യവിവാഹത്തിലെ കുട്ടിയാണ് ഹര്ഷ. കുട്ടിയെ അമ്മ ഉപദ്രവിക്കാറുണ്ടെന്ന് നാട്ടുകാര് നേരത്തെ ചൈല്ഡ് ലൈനിലും പിങ്ക് പോലീസിലും പരാതി നല്കിയിരുന്നു.
