കൊല്ലം : കടയ്ക്കല് ചരിപ്പറമ്പില് പോലീസുകാരനെ ദുരൂഹസാഹചര്യത്തില് മരിച്ച നിലയില് കണ്ടെത്തി. മലപ്പുറം പോലീസ് ക്യാമ്പിലെ കമാന്ഡോയാണ് മരിച്ച 35 വയസ്സുള്ള അഖില്. ഛര്ദ്ദിച്ചു അവശനായതിനെ തുടര്ന്ന് തിരുവനന്തപുരം മെഡിക്കല് കോളേജില് എത്തിച്ചപ്പോഴേക്കും മരണപ്പെട്ടിരുന്നു. കൂടെയുണ്ടായിരുന്ന ഒരാളെ അവശനിലയില് തിരുവനന്തപുരം മെഡിക്കല് കോളേജിലേക്ക് കൊണ്ടുപോയിട്ടുണ്ട്. വിഷമദ്യം കഴിച്ചതാകാം മരണകാരണമെന്നാണ് പ്രാഥമിക വിവരം. വെള്ളിയാഴ്ചയാണ് പോലീസുകാരന് മലപ്പുറത്തുനിന്ന് എത്തിയത്. ഇയാളും സുഹൃത്തും ഒന്നിച്ചിരുന്ന് മദ്യം കഴിച്ചുവെന്നാണ് പ്രാഥമികമായി ലഭിക്കുന്ന വിവരം. പോലീസ് കേസെടുത്ത് അന്വേഷണം ആരംഭിച്ചു.
