ജൊഹാനാസ്ബര്‍ഗ് : ദക്ഷിണാഫ്രിക്കയില്‍ ബാറിലുണ്ടായ വെടിവെയ്പ്പില്‍ 14 പേര്‍ കൊല്ലപ്പെട്ടു. സംഭവത്തില്‍ ഒന്‍പത് പേര്‍ക്ക് പരിക്കേല്‍ക്കുകയും ചെയ്തു. ദക്ഷിണാഫ്രിക്കയുടെ തലസ്ഥാനമായ ജൊഹാനാസ്ബര്‍ഗിലെ സോവെറ്റോ നഗരത്തില്‍ ഞായറഴ്ച പുലര്‍ച്ചെ 12.30 ന് ആയിരുന്നു സംഭവം. ബാറിലേക്ക് കടന്നുവന്ന തോക്കുധാരികള്‍ ആളുകള്‍ക്ക് നേരെ വെടിയുതിര്‍ക്കുകയായിരുന്നു. ആക്രമണത്തിനു ശേഷം ഇവര്‍ വെളുത്ത മിനിബസില്‍ രക്ഷപെട്ടു. ആക്രമണം നടത്താനുള്ള കാരണം വ്യക്തമല്ല. പരിക്കേറ്റ ഒന്‍പത് പേരുടെയും നിലഗുരുതരമാണ്. 19 നും 35 നും ഇടയില്‍ പ്രായമുള്ളവരാണ് കൊല്ലപ്പെട്ടത്.
