അങ്കമാലി : സുഹൃത്തുമായി സഞ്ചരിക്കുന്നതിനിടെ ബൈക്കപകടത്തില് 17കാരന് ദാരുണാന്ത്യം. അങ്കമാലി തുറവൂര് ഉതുപ്പുകവല മേനാച്ചേരി വീട്ടില് എല്ദോയുടെ മകന് ഷോണ് ആണ് മരിച്ചത്. ഗുരുതരമായി പരിക്കേറ്റ തുറവൂര് ചുണ്ടനായി വീട്ടില് ജിതിന് അങ്കമാലി എല്.എഫ് ആശുപത്രിയില് ചികിത്സയിലാണ്.
വ്യാഴാഴ്ച വൈകീട്ട് 5.45 ന് തുറവൂര് – മഞ്ഞപ്ര റോഡില് കോഴികുളത്തിന് സമീപം ആണ് അപകടം നടന്നത്. ഷോണിന്റെ വീട്ടില് നിന്ന് ഏകദേശം 300 മീറ്റര് ദൂരത്തായാണ് അപകടം നടന്നത്. മരിച്ച ഷോണ് അങ്കമാലി ഡീപോള് സ്കൂളിലെ പ്ലസ്വണ് വിദ്യാര്ഥിയാണ്. മാതാവ് – സിബി. സഹോദരന് : ഡോണ്. മൃതദേഹം അങ്കമാലി എല്.എഫ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
