പത്തനംതിട്ട: ദേശീയ സെന്സസ് 2027 ന്റെ ഭാഗമായി പത്തനംതിട്ട ജില്ലയില് ഇതുവരെ സെല്ഫ് എന്യൂമറേഷന് പൂര്ത്തിയാക്കിയത് 18,679 കുടുംബങ്ങള്. 1976 പേര് സെല്ഫ് എന്യൂമറേഷന് നടപടികള് ആരംഭിച്ചിട്ടുണ്ട്. ഇതോടെ പത്തനംതിട്ട ജില്ലയിലെ 20,655 കുടുംബങ്ങള് ജില്ലയിലെ സെല്ഫ് എന്യൂമറേഷന്റെ ഭാഗമായി. ഒരു കുടുംബത്തില് നിന്ന് ഒരാള് മാത്രമാണ് സെല്ഫ് എന്യൂമറേഷന് നടത്തേണ്ടത് എന്നതിനാലാണ് ഒരു സെല്ഫ് എന്യൂമറേഷനെ ഒരു കുടുംബമായി പരിഗണിക്കുന്നത്. ജൂണ് 16ന് ആരംഭിച്ച സെല്ഫ് എന്യൂമറേഷന് ജൂണ് 30ന് അവസാനിക്കും. ജൂലൈ ഒന്നു മുതല് ഉദ്യോഗസ്ഥര് ഈ വിവരങ്ങള്ക്കായി വീടുകളിലെത്തും.
സെന്സസ് ഉദ്യോഗസ്ഥര് വീടുകളില് എത്തുന്നതിനു മുന്പ് വ്യക്തികള്ക്ക് സ്വയം കുടുംബത്തിന്റെ ക്യത്യമായ വിവരങ്ങള് സുരക്ഷിതമായി ഓണ്ലൈനായി സമര്പ്പിക്കാനാണ് സെല്ഫ് എന്യൂമറേഷന് സൗകര്യം ഒരുക്കിയിരിക്കുന്നത്. കളക്ടറേറ്റ്, താലൂക്ക് ഓഫീസുകള്, നഗരസഭകള് എന്നിവിടങ്ങളില് തയ്യാറാക്കിയിട്ടുള്ള ഹെല്പ് ഡെസ്കിലെത്തിയും സെല്ഫ് എന്യൂമറേഷന് പൂര്ത്തിയാക്കാവുന്നതാണ്. സെല്ഫ് എന്യൂമറേഷന് വെബ്സൈറ്റ് – http://se.census.gov.in
