ലക്നോ : ഉത്തര്പ്രദേശില് ഇടിമിന്നലേറ്റ് 18 പേര്ക്ക് ദാരുണാന്ത്യം. കഴിഞ്ഞ രണ്ട് ദിവസത്തനിടെ സംസ്ഥാനത്തിന്റെ വിവിധ ഭാഗങ്ങളില് ഉണ്ടായ ഇടിമിന്നലേറ്റാണ് 18 പേര് മരിച്ചത്. ഖാസിപുര്, ഭദോഹി, എന്നിവിടങ്ങളില് തിങ്കളാഴ്ച 6 പേരും കൗസംബി, പ്രയാഗ്രാജ് എന്നിവിടങ്ങളില് 12 പേരും ആണ് മരിച്ചത്. സംഭവത്തില് യുപി മുഖ്യമന്ത്രി യോഗി ആദിത്യനാഥ് ദുഖം രേഖപ്പെടുത്തി. മരണമടഞ്ഞവരുടെ കുടുംബങ്ങള്ക്ക് നാല് ലക്ഷം രൂപയുടെ ധനസഹായം നല്കുമെന്നും പരിക്കേറ്റവര്ക്ക് ചികിത്സ ഉറപ്പാക്കുമെന്നും അദ്ദേഹം അറിയിച്ചു.
