കോട്ടയം: മലങ്കര ഓര്ത്തഡോക്സ് സുറിയാനി സഭ മാര്ത്തോമാ ശ്ലീഹായുടെ രക്തസാക്ഷിത്വത്തിന്റെ 1950-ാം വാര്ഷികം ജൂലൈ 2, 3 (ഞായര്, തിങ്കള്) തീയതികളില് ചെന്നൈയില് നടത്തും. ഒരു വര്ഷം നീണ്ടുനിന്ന ആഘോഷ പരിപാടികളുടെ സമാപനമാണ് ചെന്നൈയില് നടക്കുക. രണ്ടാം തീയതി ഞായറാഴ്ച വൈകുന്നേരം ആറിന് കോയമ്പേട് സെ. തോമസ് കോളേജ് ഓഡിറ്റോറിയത്തില് വച്ച് നടക്കുന്ന മാര്ത്തോമന് സ്മൃതി സംഗമത്തില് പരിശുദ്ധ ബസേലിയോസ് മാര്ത്തോമാ മാത്യുസ് തൃതീയന് കാതോലിക്കാ ബാവ അധ്യക്ഷത വഹിക്കും.
തമിഴ്നാട് നിയമസഭ സ്പീക്കര് ശ്രീ. അപ്പാവു, മൈനോറിറ്റി കമ്മീഷന് ചെയര്മാന് ശ്രീ. പീറ്റര് അല്ഫോന്സ്, സീറോ മലബാര് സഭ ഹൊസൂര് അതിരൂപത അധ്യക്ഷന് മാര് സെബാസ്റ്റ്യന് പോഴലിപറമ്പില് ഗീവര്ഗീസ് മാര് പീലക്സിനോസ് മെത്രാപ്പോലീത്ത വൈദീക ട്രസ്റ്റി ഫാ.ഡോ തോമസ് വറുഗീസ് അമയില്, അത്മായ ട്രസ്റ്റി റോണി വറുഗീസ്, അസ്സാസ്സിയേഷന് സെക്രട്ടറി അഡ്വ. ബിജു ഉമ്മന് ചെന്നൈ ഭദ്രാസന സെക്രട്ടറി ഫാ. തോമസ് ഐസക് എന്നിവര് പ്രസംഗിക്കും.
