പരവൂര്‍ : അസഭ്യം പറഞ്ഞത് ചോദ്യം ചെയ്ത യുവതിയെയും മാതാപിതാക്കളെയും മര്‍ദിച്ച യുവാക്കള്‍ പിടിയില്‍. പരവൂര്‍ ഇടയാടി രാജുഭവനില്‍ അമല്‍ (സുജിത്ത്-24), സഹോദരന്‍ അഖില്‍ (23) എന്നിവരാണ് പോലീസ് പിടിയിലായത്.
ഇടയാടിയില്‍ റോഡിലൂടെ നടന്നുപോകുകയായിരുന്ന യുവതിയോട് ഇവര്‍ അശ്ലീലച്ചുവയോടെ സംസാരിക്കുകയായിരുന്നു.
ഇത് മാതാവ് ചോദ്യം ചെയ്തതില്‍ പ്രകോപിതരായി പ്രതികള്‍ ഇവരെ കടന്നുപിടിച്ച്‌ ആക്രമിക്കുകയായിരുന്നു. തടയാന്‍ ശ്രമിച്ച പിതാവിനെയും ഇവര്‍ മര്‍ദിച്ചു. സംഭവത്തില്‍ നാട്ടുകാര്‍ ഇടപെട്ടതോടെ പ്രതികള്‍ രക്ഷപ്പെട്ടു. സ്ത്രീത്വത്തിനെ അപമാനിച്ചതിനും ദേഹോപദ്രവമേല്‍പ്പിച്ചതിനുമാണ് കേസ് രജിസ്റ്റര്‍ ചെയ്തത്. ഇടയാടിയില്‍ നിന്നും പ്രതികളെ ഇന്‍സ്‌പെക്ടര്‍ എ നിസാറിന്റെ നേതൃത്വത്തിലാണ് പിടികൂടിയത്.
