ചെങ്ങന്നൂർ: കെ – റെയിൽ സിൽവർ ലൈൻ വിരുദ്ധ ജനകീയ സമിതി സംസ്ഥാന പ്രസിഡന്റ് എം.പി ബാബുരാജ് ക്യാപ്റ്റനായും ജനറൽ കൺവീനർ എസ്.രാജീവൻ വൈസ് ക്യാപ്റ്റനായും നയിക്കുന്ന സംസ്ഥാന സമര ജാഥ ആലപ്പുഴ ജില്ലയിൽ പ്രവേശിച്ച് ചെങ്ങന്നൂർ താലൂക്കിൽ പര്യടനം നടത്തി. നൂറു കണക്കിന് സമരപ്രവർത്തകരുടേയും സാമൂഹിക രാഷ്ട്രീയ നേതാക്കന്മാരുടേയും സ്വീകരണങ്ങൾ ഏറ്റുവാങ്ങി ചെങ്ങന്നൂർ നഗരസഭ വളപ്പിലെ ഗാന്ധി പ്രതിമയ്ക്കു മുന്നിൽ സമാപനസമ്മേളനം നടത്തി. മദ്യവിരുദ്ധ ജനകീയ മുന്നണി സംസ്ഥാന ജോയിന്റ് കൺവീനർ റെവ.ഡോ.ടി.ടി സക്കറിയ സമ്മേളനം ഉദ്ഘാടനം ചെയ്തു.
ജില്ലാ കൺവീനർ മധു ചെങ്ങന്നൂർ അദ്ധ്യക്ഷത വഹിച്ച സമ്മേളനത്തിൽ കെപിസിസി സെക്രട്ടറി അഡ്വ.എബി കുര്യാക്കോസ്, എസ് യു സി ഐ കമ്മ്യൂണിസ്റ്റ് ജില്ലാ സെക്രട്ടറി എസ്.സീതിലാൽ, സമര സമിതി ജില്ലാ രക്ഷാധികാരി ആർ.പാർഥസാരഥി വർമ്മ,നഗരസഭാ അംഗം കെ.ഷിബുരാജൻ, വുമൺ ജസ്റ്റിസ് മൂവ്മെന്റ് ജില്ലാ പ്രസിഡന്റ് ശ്രീകല ചെങ്ങന്നൂർ, ജെയിംസ് പാണ്ടനാട്, ഫിലിപ്പ് വർഗീസ്, മിനി കെ ഫിലിപ്പ് തുടങ്ങിയവർ പ്രസംഗിച്ചു.
