മാള : അന്നമനടയില് പകല് നിര്ത്തിയിട്ടിരുന്ന ഓട്ടോറിക്ഷയുടെ ബാറ്ററി മോഷ്ടിച്ച കേസില് രണ്ടുപേരെ മാള പോലീസ് അറസ്റ്റ് ചെയ്തു. മഠത്തുംപടി വാഴക്കൂട്ടത്തില് സന്തോഷ് (42), ആലമറ്റം ചൂളക്കല് രാജേഷ് (40) എന്നിവരാണ് അറസ്റ്റിലായത്. മാമ്പ്രക്കാരന് ഇസ്മയിലിന്റെ ഓട്ടോറിക്ഷയുടെ ബാറ്ററിയാണ് മോഷ്ടിച്ചത്. സമീപത്തെ നിരീക്ഷണ ക്യാമറയില് നിന്നുള്ള ദൃശ്യങ്ങളാണ് പ്രതികളെ തിരിച്ചറിയാന് സഹായിച്ചത്. സന്തോഷ് നിരവധി മോഷണക്കേസുകളില് പ്രതിയാണെന്ന് പോലീസ് പറഞ്ഞു. മോഷ്ടിച്ച ബാറ്ററി കൊടുങ്ങല്ലൂരില് വിറ്റതായി ഇവര് സമ്മതിച്ചിട്ടുണ്ട്.
