നിലമ്പൂര് : രണ്ട് ഇരുതലമൂരികളുമായി അഞ്ചു പേര് വനം വിജിലന്സ് വിഭാഗത്തിന്റെ പിടിയില്. തമിഴ്നാട് തിരുപ്പൂര് സ്വദേശി രാജാ മുഹമ്മദ് (39) എളങ്കൂര് മഞ്ഞപ്പറ്റ കിഴക്കേപ്പുറത്ത് സയ്യിദ് അബ്ദുള്കരീം (42) എടവണ്ണ പത്തപ്പിരിയം പാതാര്ക്കുന്ന് കമറുദ്ദീന് (40) കാസര്ഗോഡ് ചെങ്ങലകൊളക്കാടന് ഹനീഫ മുഹമ്മദ് (46) ഇടനിലക്കാരനായ ആലപ്പുഴ ചേര്ത്തല എഴുപുന്ന പാണ്ടത്തുകാരി പി.വി ആനന്ദ് (25) എന്നിവരെയാണ് അറസ്റ്റ് ചെയ്തത്. എളംങ്കൂര് പുലത്ത് തച്ചുണ്ണി റോഡിലെ കെ.എം അപ്പാര്ട്ട്മെന്റില് നിന്നാണു തമിഴ്നാട് തിരുപ്പൂര് സ്വദേശി ഉള്പ്പെടെ അഞ്ചു പേര് പിടിയിലായത്.
കോഴിക്കോട് വനം വിജിലന്സ് ഡിഎഫ്ഒ സുനില്കുമാറിന് ലഭിച്ച രഹസ്യവിവരത്തെ തുടര്ന്ന്, നിലമ്പൂര് വനം വിജിലന്സ് റെയ്ഞ്ച് ഓഫീസര് എം.രമേശന്റെ നേതൃത്വത്തില് നടത്തിയ പരിശോധനയിലാണ് പ്രതികള് പിടിയിലായത്. ഇരുതല മൂരികളെ കൊണ്ടു വന്ന കാറും പിടിച്ചെടുത്തു.