മംഗളൂരു: മംഗളൂരു തീരത്ത് അറബിക്കടലില് മീന്പിടിത്തത്തൊഴിലാളികളുടെ ബോട്ട് മറിഞ്ഞ് രണ്ടു പേര് മരിച്ചു. ബോട്ടിലുണ്ടായിരുന്ന 22 പേരില് 16 പേരെ രക്ഷിച്ചു. ചൊവ്വാഴ്ച പുലര്ച്ചെ മംഗളൂരു തീരത്തിന് അടുത്തായാണ് അപകടം ഉണ്ടായത്.
ശക്തമായ കാറ്റിലും തിരമാലയിലുംപെട്ട് ബോട്ട് മറിയുകയായിരുന്നു. ബോട്ട് എത്തേണ്ട സമയം കഴിഞ്ഞിട്ടും വിവരമൊന്നും ലഭിക്കാതിരുന്നതോടെ നടത്തിയ തെരച്ചിലിലാണ് ബോട്ട് മറിഞ്ഞ വിവരം അറിയുന്നത്. കാണാതായ നാലു പേര്ക്കായി കോസ്റ്റ് ഗാര്ഡിന്റെ തെരച്ചില് തുടരുകയാണ്.
