താനെ : ബന്ധുവിന്റെ വിവാഹത്തിനിടെ പരിചയപ്പെട്ട യുവതിയെ ബ്ലാക്ക് മെയിൽ ചെയ്ത 24കാരനെ കുത്തിക്കൊന്ന് 20കാരിയും സുഹൃത്തും. 20കാരിയുമായി സൗഹൃദം സ്ഥാപിച്ച 24കാരൻ സുഹൃദ്ബന്ധം മുതലെടുത്ത് യുവതിയ്ക്ക് ജ്യൂസിൽ മയക്കുമരുന്ന് കലർത്തി നഗ്നചിത്രങ്ങൾ എടുത്ത് ഭീഷണിപ്പെടുത്താൻ ആരംഭിച്ചതിന് പിന്നാലെയാണ് യുവതിയും അടുത്ത സുഹൃത്തും ചേർന്ന് കൊല നടത്തിയത്. മഹാരാഷ്ട്രയിലെ താനെയിലാണ് സംഭവം. സ്വയം പരഞ്ചപേ എന്ന 24കാരനാണ് കൊല്ലപ്പെട്ടത്. സംഭവത്തിൽ യുവതിയേയും 24കാരനായ സുഹൃത്തിനേയും പോലീസ് അറസ്റ്റ് ചെയ്തു.
കൊലപാതകത്തിന് മറ്റാരുടേയും സഹായം ലഭിച്ചിട്ടുണ്ടോയെന്ന് അന്വേഷിക്കുമെന്ന് പോലീസ് വിശദമാക്കി. പിന്നീട് 24കാരൻ ഭീഷണിപ്പെടുത്തിയപ്പോൾ യുവാവിനെ കാണാനായി യുവതിക്കൊപ്പം സുഹൃത്തുകൂടി കൊല്ലപ്പെട്ടയാളുടെ വീട്ടിൽ എത്തുകയായിരുന്നു. ചിത്രങ്ങൾ ഡിലീറ്റ് ചെയ്യാനാവശ്യപ്പെട്ടുള്ള തർക്കം വളരെ വേഗം കയ്യേറ്റത്തിലെത്തുകയായിരുന്നു. ഇതിനിടയിൽ യുവാവിന്റെ വീട്ടിലുണ്ടായിരുന്ന ആയുധമെടുത്ത് യുവതിയുടെ സുഹൃത്ത് 24കാരന്റെ തലയ്ക്ക് അടിക്കുകയായിരുന്നു. സംഭവത്തിന് പിന്നാലെ 24കാരന്റെ വീട്ടിൽ നിന്ന് മുങ്ങിയ യുവതിയേയും സുഹൃത്തിനേയും ഫോൺവിളികള് ആസ്പദമാക്കി പോലീസ് ചോദ്യം ചെയ്യാനായി വിളിച്ച് അറസ്റ്റ് ചെയ്യുകയായിരുന്നു.
