ഡിസൈൻ മാറ്റങ്ങൾ, ഇൻ്റീരിയർ അപ്ഡേറ്റുകൾ, പുതിയ ഇൻഫോടെയ്ൻമെൻ്റ് സോഫ്റ്റ്വെയർ, പ്ലഗ്-ഇൻ ഹൈബ്രിഡ് (പിഎച്ച്ഇവി) വകഭേദങ്ങൾക്കുള്ള വിപുലീകൃത ഇലക്ട്രിക്-ഒൺലി ശ്രേണി എന്നിവ ഉൾപ്പെടെ നിരവധി മെച്ചപ്പെടുത്തലുകളോടെ 2024 ബിഎംഡബ്ല്യു 3 സീരീസ് അപ്ഡേറ്റ് ചെയ്തു. ഈ പുതുക്കിയ മോഡലുകളുടെ ഉത്പാദനം യൂറോപ്പിൽ ജൂലൈയിൽ ആരംഭിക്കും. 2024 ബിഎംഡബ്ല്യു 3 സീരീസിൻ്റെ രൂപകൽപ്പനയെക്കുറിച്ച് പറയുമ്പോൾ, ബാഹ്യ മാറ്റങ്ങൾ വളരെ കുറവാണ്, എന്നാൽ കൂടുതൽ എയറോഡൈനാമിക് ഫ്രണ്ട് ബമ്പർ, ആംഗുലാർ സിൽസ്, പുതിയ 19 ഇഞ്ച് അലോയ് വീൽ ഡിസൈനുകൾ എന്നിവ ഉൾപ്പെടുന്നു. സ്റ്റാൻഡേർഡ് മോഡലുകൾ 17 ഇഞ്ച് അലോയ്കളോടെയാണ് വരുന്നത്. കൂടാതെ, ഇത് ഇപ്പോൾ ഒമ്പത് കളർ സ്കീം ഓപ്ഷനുകളിൽ ലഭ്യമാണ്.
2024 ബിഎംഡബ്ല്യു 3 സീരീസിന്റെ ഇന്റീരിയരിൽ ഫിസിക്കൽ ബട്ടണുകളുടെ എണ്ണം കുറച്ചുകൊണ്ട് കമ്പനി വൃത്തിയുള്ള രൂപത്തിലേക്ക് ശ്രദ്ധ കേന്ദ്രീകരിച്ചു. എല്ലാ മോഡലുകളും ഇപ്പോൾ ട്രൈ-സോൺ ക്ലൈമറ്റ് കൺട്രോൾ, 14.9 ഇഞ്ച് വളഞ്ഞ ഇൻഫോടെയ്ൻമെൻ്റ് ഡിസ്പ്ലേ, 12.3 ഇഞ്ച് ഡിജിറ്റൽ ഇൻസ്ട്രുമെൻ്റ് ഡിസ്പ്ലേ എന്നിവയുമായാണ് വരുന്നത്. പുതിയ ഇൻ്റീരിയർ ഫീച്ചറുകളിൽ ഐഡ്രൈവ് കൺട്രോളർ, ഇഗ്നിഷൻ ബട്ടൺ, ഗിയർ സെലക്ടർ എന്നിവയ്ക്കുള്ള ഗ്ലാസ് ട്രിം പീസുകൾ ഉൾപ്പെടുന്നു.
