ഗുരുഗ്രാം : ഹരിയാനയില് അപ്പാര്ട്ട്മെന്റിന്റെ മേല്ക്കൂര തകര്ന്നുവീണ് രണ്ടുപേര് മരിച്ചു. നിരവധിപ്പേര് കുടുങ്ങി കിടക്കുന്നതായാണ് റിപ്പോര്ട്ടുകള്. രക്ഷാപ്രവര്ത്തനം പുരോഗമിക്കുകയാണ്. ഗുരുഗ്രാം സെക്ടര് 109ലെ പാര്പ്പിട സമുച്ചയത്തിന്റെ ആറാമത്തെ നിലയില് വൈകീട്ടാണ് സംഭവം നടന്നത്. അപ്പാര്ട്ട്മെന്റിന്റെ മേല്ക്കൂര തകര്ന്നുവീഴുകയായിരുന്നു. ഒന്നാമത്തെ നില വരെ കെട്ടിടഭാഗങ്ങള് തകര്ന്നുവീണതായാണ് റിപ്പോര്ട്ടുകള്. കെട്ടിടാവിശിഷ്ടങ്ങളില് നിരവധിപ്പേര് കുടുങ്ങി കിടക്കുന്നതായാണ് സംശയം. ഇവരെ രക്ഷിക്കുന്നതിനുള്ള ശ്രമം തുടരുകയാണ്. ദേശീയ, സംസ്ഥാന ദുരന്ത നിവാരണ സേനയുടെ നേതൃത്വത്തിലാണ് രക്ഷാദൗത്യം പുരോഗമിക്കുന്നത്.
