തൃശൂര് : ക്ലോസറ്റിലൂടെ സെപ്റ്റിക് ടാങ്കിലേക്ക് വീണ പണം എടുക്കാനിറങ്ങിയ സഹോദരങ്ങളായ രണ്ടു ഇതര സംസ്ഥാന തൊഴിലാളികള് ശ്വാസം മുട്ടി മരിച്ചു. പശ്ചിമ ബംഗാളിലെ ബര്ദ്ധമാന് ജില്ലയിയിലെ അലാമ ഷേക്ക് (44), ഷേക്ക് അഷ് റാവുല് ആലം (33) ആണ് മരിച്ചത്. ഇന്നലെ വൈകിട്ട് ഏഴു മണിയോടെ തിരുരിലാണ് സംഭവം. മരിച്ച ഒരാളുടെ കൈവശം ഉണ്ടായിരുന്ന 13,000 ത്തോളം രൂപയാണ് ക്ലോസറ്റിലൂടെ നഷ്ടപ്പെട്ടത്.
തുടര്ന്ന് മറ്റുള്ളവരോട് ചേര്ന്ന് പുറത്തുള്ള സെപ്റ്റിക് ടാങ്കിന്റെ അടപ്പ് തുറന്നു ഒരാള് ഇറങ്ങുകയായിരുന്നു. എന്നാല് വളരെ ആഴം ഉള്ളതാണെന്ന് മനസിലാക്കാതെ ആണ് ഇറങ്ങിയതെന്ന് പറയുന്നു. ഇറങ്ങിയ ഉടനെ ശ്വാസം മുട്ടി മരിക്കുക ആയിരുന്നു. ഇയാളെ രക്ഷിക്കാന് ഇറങ്ങിയ സുഹൃത്തും മരണമടയുകയായിരുന്നു. ഫയര് ഫോഴ്സ് എത്തിയാണ് ഇരുവരേയും പുറത്തെടുത്തത്. തുടര്ന്ന് മൃതദേഹം തൃശൂര് ഗവ.മെഡിക്കല് കോളജ് മോര്ച്ചറിയിലേക്ക് മാറ്റി. വിയൂര് പോലീസ് സ്ഥലത്ത് എത്തിയിരുന്നു. 20 ഓളം ഇതര സംസ്ഥാന തൊഴിലാളികള് ആണ് ഇവിടെ താമസിക്കുന്നത്.
