തിരുവനന്തപുരം : വാക്സിൻ ക്ഷാമം രൂക്ഷമായ സാഹചര്യത്തിൽ സംസ്ഥാനത്ത് ഇന്ന് മൂന്ന് ലക്ഷം ഡോസ് എത്തും.തിരുവനന്തപുരം മേഖലയ്ക്ക് 95,000 ഡോസ് കൊവിഷീൽഡും 75,000 ഡോസ് കൊവാക്സീനും, ഒരു ലക്ഷത്തി ഇരുപതിനായിരം ഡോസ് വാക്സീൻ എറണാകുളം മേഖലയിലും വിതരണം ചെയ്യും. കോഴിക്കോട് മേഖലയിലേക്ക് 75,000 ഡോസ് വാക്സിനാണ് എത്തുക.
തിരുവനന്തപുരം, കൊല്ലം, ആലപ്പുഴ, കോട്ടയം,വയനാട് ജില്ലകളിലാണ് വാക്സിൻ പൂർണമായി തീർന്നിരിക്കുന്നത്. ഇന്നത്തോടെ ബാക്കി ജില്ലകളിലും വാക്സിൻ സ്റ്റോക്ക് തീരുമെന്നാണ് ആരോഗ്യവകുപ്പ് മുന്നോട്ട് വയ്ക്കുന്ന ആശങ്ക. വാക്സിൻ ബാക്കിയുള്ള ജില്ലകളിൽ കിടപ്പുരോഗികളടക്കം മുൻഗണനക്കാർക്ക് നൽകാനാണ് സർക്കാർ നിർദേശം.