കൊച്ചി : വീടിനുള്ളില് കയറി മോഷണം നടത്തുന്നതിനിടയില് മൂന്ന് ഇതര സംസ്ഥാന തൊഴിലാളികള് പോലീസിന്റെ പിടിയില്. അസം സ്വദേശികളായ ആഷിക്കുല് ഇസ് ലാം (26), ജമീര് അലി (26), വെസ്റ്റ് ബംഗാള് സ്വദേശി സജിബുള് (22) എന്നിവരെയാണ് മോഷണത്തിനിടയില് പെരുമ്പാവൂര് പോലീസ് പിടികൂടിയത്.
പാലക്കാട്ടുതാഴത്തുള്ള വീടിന്റെ മുകളിലത്തെ നിലയില് ജനല് തുറന്ന് അകത്ത് കയറി മോഷണം നടത്തുന്നതിനിടയില് പോലീസ് ഇവരെ വീട് വളഞ്ഞ് പിടികൂടുകയായിരുന്നു. ആഷിക്കുള് ഇസ്ലാമിന്റെ പേരില് പെരുമ്പാവൂര് സ്റ്റേഷനില് മൂന്ന് കേസുകളുണ്ടെന്നും പോലീസ് പറഞ്ഞു. എസ് എച്ച് ഒ രഞ്ജിത്ത്, എസ് ഐ റിന്സ് എം തോമസ്, എ എസ് ഐ അനില് പി വര്ഗ്ഗീസ്, എസ് സി പി ഒ അഷറഫ് എന്നിവരാണ് സംഘത്തില് ഉണ്ടായിരുന്നത്.
