അടിമാലി : വീട് കുത്തിത്തുറന്ന് മോഷണം നടത്തിയ സംഭവത്തില് സഹോദരങ്ങളടക്കം മൂന്നുപേര് പിടിയില്. മറ്റുള്ളവര്ക്കായി പോലീസ് തെരച്ചില് ഊര്ജിതമാക്കി. പത്താം മൈല് ഇരുപത്സെന്റ് കോളനി മാറാട്ടില് നിഷാദ് (32), നൗഷാദ് (30), ദേവിയാര് കോളിനി മുക്കില് കൈത്തൊലില് വീട്ടില് വാടകക്ക് താമസിക്കുന്ന സൂര്യന് ഗണേശന് എന്നിവരെയാണ് അടിമാലി പോലീസ് അറസ്റ്റ് ചെയ്തത്.
മുനിയറച്ചാല് ചെറുപറമ്പില് മോഹനന്റെ വീട്ടില് രാത്രിയില് കയറിയ നാലംഗ സംഘം 10 കിലോ കുരുമുളക്, പഴയ അലൂമിനിയം പാത്രങ്ങളും റബര് പാല് ഉറ ഒഴിക്കുന്ന ഏഴ് ഡിഷും ഒരു ഓട്ടു വിളക്കും മോഷ്ടിച്ചിരുന്നു. ജനുവരി 30നാണ് സംഭവം. സി.സി.ടി.വി. ദൃശ്യങ്ങളുടെ സഹായത്താൽ പ്രതികളെ തിരിച്ചറിഞ്ഞെന്ന് പോലീസ് പറഞ്ഞു. എസ്.ഐമാരായ അബ്ദുല് ഖനി, നൗഷാദ്, എ.എസ്.ഐ മാരായ അബ്ബാസ്, കബീര് എന്നിവരാണ് പ്രതികളെ പിടികൂടിയത്.
