ദില്ലി: ഡേറ്റിംഗ് ആപ്പ് വഴി സ്വര്ഗ്ഗാനുരാഗികളെ കുടുക്കി പണം തട്ടിയെടുത്ത സംഭവത്തില് നാല് യുവാക്കള് പിടിയില്. ദില്ലിയിലാണ് സംഭവം. ഡേറ്റിംഗ് ആപ്പ് ‘ഗ്രിന്ഡര്’ വഴിയാണ് പ്രതികള് ഇരകളെ വലയിലാക്കിയത്. ഒടുവില് ഇവരെ ഭീഷണിപ്പെടുത്തി പണം തട്ടിയെടുക്കുകയായിരുന്നു. അരുണ് കുമാര് (22), വിശാല് കോഹ്ലി (24) എന്നിവരെയാണ് അറസ്റ്റ് ചെയ്തത്. ഇവരെ ചോദ്യം ചെയ്തതിന്റെ അടിസ്ഥാനത്തില് കൂട്ടുപ്രതിയും ദില്ലി സഹാബാദ് നിവാസിയുമായ രാജേഷ് കുമാറിനെയും (42) പോലീസ് അറസ്റ്റ് ചെയ്തു.
പ്രതികളിന് നിന്ന് കുറ്റകൃത്യത്തിന് ഉപയോഗിച്ചതായി കണ്ടെത്തിയ രണ്ട് മൊബൈല് ഫോണുകള് പിടിച്ചതായി എസിപി രാജേഷ് ദിയോ പറഞ്ഞു. കിഴക്കന് ദില്ലിയില് സജീവമായ രണ്ട് സ്വവര്ഗ്ഗാനുരാഗ റാക്കറ്റുകളാണ് ഇവരെന്നാണ് പോലീസ് പറയുന്നത്. ആപ്പിലൂടെ പരിചയപ്പെട്ട ശേഷം പ്രതികള് യുവാക്കളെ വിളിച്ച് വരുത്തും, പിന്നീട് നഗ്ന ദൃശ്യങ്ങളെടുത്ത് ഭീഷണിപ്പെടുത്തി പണം തട്ടിയെടുക്കുകയായിരുന്നു.
