റാന്നി : റാന്നി നിയോജക മണ്ഡലത്തില് ജലജീവന് മിഷന്റെ നേതൃത്വത്തില് 4955 വീടുകള്ക്ക് പുതിയ വാട്ടര് കണക്ഷന് നല്കാനും 31.25 കി.മീ ദൂരം പൈപ്പ് നീട്ടലിനും തീരുമാനിച്ചതായി രാജു ഏബ്രഹാം എംഎല്എ അറിയിച്ചു. പഴവങ്ങാടി പഞ്ചായത്തില് 550 ഹൗസ് കണക്ഷനുകളും മൂന്നു കി.മി ദൂരം പൈപ്പ് നീട്ടലും ഉണ്ട്. ആകെ ചിലവ് 1.15 കോടി രൂപ. അങ്ങാടി പഞ്ചായത്തില് 500 പുതിയ പൈപ്പ് കണക്ഷനും 2.5 കി.മീ ദൂരത്തില് പൈപ്പ് നീട്ടലും ഉണ്ട്. 1.24 കോടി രൂപയാണ് ചിലവ്. നാറാണംമൂഴിയില് 350 കണക്ഷനുകളും 2.75 കി.മീ പൈപ്പ് നീട്ടലും ഉണ്ട്. 81 ലക്ഷം രൂപയാണ് ചിലവ്. വെച്ചൂച്ചിറയില് 480 ഹൗസ് കണക്ഷനുകള് ഉണ്ട്. 87.58 ലക്ഷം രൂപയാണ് ചിലവ്.
വടശേരിക്കര പഞ്ചായത്തില് 200 ഹൗസ് കണക്ഷന് 24. 44 ലക്ഷമാണ് ചിലവ്. പെരുനാട്ടില് 600 ഹൗസ് കണക്ഷനുകളും 98.4 ലക്ഷം രൂപ ചിലവുമാണ്. ചെറുകോലില് 275 കണക്ഷനുകള് ഉണ്ട്. 44.98 ലക്ഷം രൂപയാണ് ചിലവ്. അയിരൂരില് 1000 കണക്ഷനുകളും അഞ്ചു കിലോമീറ്റര് പൈപ്പ് കണക്ഷനുമുണ്ട്. നാലാം വാര്ഡില് തന്നെ 3.5 കിമി ദൂരത്തിലാണ് പൈപ്പ് നീട്ടല്. 2.4 കോടി രൂപയാണ് ചിലവ്. കോട്ടാങ്ങലില് 350 കണക്ഷനുകളും അഞ്ചു കിലോമീറ്റര് ദൂരം പൈപ്പ് നീട്ടല് ഉണ്ട്. 1.36 കോടി രൂപയാണ് ചിലവ്. കൊറ്റനാട് 150 ഹൗസ് കണക്ഷനുകളുണ്ട്. 48 ലക്ഷം രൂപയാണ് ചിലവ്. എഴുമറ്റൂരില് 400 കണക്ഷനുകളും 13 കി മീ ദൂരം പൈപ്പ് നീട്ടലുമുണ്ട്. 3.32 കോടി രൂപയാണ് ചിലവ്.
പദ്ധതിയുടെ ചിലവില് 45 ശതമാനം കേന്ദ്ര സര്ക്കാരും 30 ശതമാനം സംസ്ഥാന സര്ക്കാരും 15 ശതമാനം പഞ്ചായത്തുകളും 10 ശതമാനം ഗുണഭോക്താവും വഹിക്കണം. പഞ്ചായത്തില് ധനകാര്യ
കമ്മീഷന് അനുവദിച്ച ഫണ്ട് ഇതിനായി എടുക്കാമെന്ന് സര്ക്കാര് അറിയിച്ചിട്ടുണ്ട്.
