ശാന്തന്പാറ : പേത്തൊട്ടിയില് കുസൃതി കാണിച്ച അഞ്ചര വയസുകാരനെ പൊള്ളിച്ച അമ്മ അറസ്റ്റില്. അഞ്ചുദിവസം മുമ്പാണ് സംഭവം നടന്നത്. കുട്ടിയുടെ ശരീരത്തില് നാല് ഭാഗത്തായി പൊളളലേറ്റിട്ടുണ്ട്. തവി അടുപ്പില് വെച്ച് ചൂടാക്കിയാണ് പൊള്ളലേല്പ്പിച്ചത്. സമീപത്തെ വീടുകളിലുള്ള കുട്ടികളെ അടിക്കുന്നുവെന്നും കുസൃതി കാണിക്കുന്നുവെന്നും പരാതി ഉയര്ന്നതിനെ തുടര്ന്നാണ് ശിക്ഷിച്ചതെന്നാണ് അമ്മ തന്നെ പറഞ്ഞത്.
അമ്മയെ നാളെ കോടതിയില് ഹാജരാക്കും. ജുവനൈല് ജസ്റ്റിസ് ആക്ട് പ്രകാരമാണ് കേസെടുത്തത്. ജാമ്യം ഇല്ലാത്ത വകുപ്പാണ് അമ്മയ്ക്ക് എതിരെ ചുമത്തിയിരിക്കുന്നത്. തമിഴ്നാട് സ്വദേശിയായ സ്ത്രീ പേത്തൊട്ടിയില് സ്ഥിര താമസക്കാരിയായ തോട്ടം തൊഴിലാളിയാണ്. സംഭവത്തിന് ശേഷം തമിഴ്നാട്ടിലേക്ക് പോയ ഇവര് അവിടെ ആശുപത്രിയില് എത്തിച്ച് ചികിത്സ നല്കിയതായി പറയുന്നു. തിരികെ എത്തിയപ്പോള് കാലിലെ മുറിവ് ശ്രദ്ധയില്പ്പെട്ട സമീപവാസികള് ആണ് വിവരം പോലീസില് അറിയിച്ചത്.
