മലപ്പുറം : വീടിന്റെ ഉടമസ്ഥാവകാശവുമായി ബന്ധപ്പെട്ട തര്ക്കത്തെ തുടര്ന്ന് അച്ഛനെ മകന് കൊലപ്പെടുത്തി. മലപ്പുറം വെളിയങ്കോട് ബദര് പള്ളി സ്വദേശി ഹംസു (62)വാണ് മരിച്ചത്. സംഭവത്തില് മകന് ആബിദിനെ പെരുമ്പടപ്പ് പോലീസ് കസ്റ്റഡിയിലെടുത്തു.
വര്ഷങ്ങളായി ഹംസുവും കുടുംബവും തമ്മില് വേര്പിരിഞ്ഞായിരുന്നു താമസിച്ചിരുന്നത്. വീടിന്റെ ഉടമസ്ഥാവകാശവുമായി ബന്ധപ്പെട്ട് തര്ക്കമായിരുന്നു കാരണം. രാവിലെ പതിനൊന്നുമണിയോടെ ഹംസുവിന്റെ ഭാര്യയും മകന് ആബിദും ബദര് പള്ളിക്ക് സമീപത്തെ വീട്ടിലെത്തി. എന്നാല് വീട്ടില് കയറാനുള്ള ശ്രമം ഹംസു തടഞ്ഞതോടെ അച്ഛനും മകനും തമ്മില് ഉന്തും തള്ളുമായി.
ഇതോടെ ഹംസുവിന് സാരമായി പരുക്കേറ്റു. ഹംസുവിന്റെ മരണവിവരം പോലീസിനെ അറിയിച്ചതും മകനാണ്. അതേസമയം പോസ്റ്റുമോര്ട്ടം റിപ്പോര്ട്ട് ലഭിച്ച ശേഷമെ കേസില് കൂടുതല് കാര്യങ്ങള് വ്യക്തമാകൂവെന്ന് പോലീസ് അറിയിച്ചു.
