മുണ്ടക്കയം: സ്കൂട്ടറില് കാറിടിച്ച് ആറ് വയസുകാരന് മരിച്ചു. മാതാപിതാക്കള്ക്ക് പരിക്ക്. പുലിക്കുന്ന് ആഞ്ഞിലിമൂട്ടില് സന്ദീപിന്റെ മകന് സഞ്ജയ് സന്ദീപ് (കുട്ടാപ്പി -ആറ്) ആണ് മരിച്ചത്.
പരിക്കേറ്റ സന്ദീപ് (33), ഭാര്യ അനു (27) എന്നിവരെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു.ഞായറാഴ്ച വൈകിട്ട് 7.30 ഓടെ വൈ.എം.സി.എ യ്ക്ക് സമീപം എതിരെ വന്ന കാര് സ്കൂട്ടറില് ഇടിക്കുകയായിരുന്നു. മുണ്ടക്കയത്ത് നിന്നും കാഞ്ഞിരപ്പള്ളി ഭാഗത്തേക്കു പോകുകയായിരുന്ന സ്വകാര്യ കാര് മറ്റൊരു വാഹനത്തെ മറികടക്കുന്നതിനിടയിലാണ് അപകടം. അനുവിന്റെ പാറത്തോട്ടിലെ വീട്ടില് പോയി മടങ്ങുംവഴിയായിരുന്നു അപകടം. സഞ്ജയിന്റെ മൃതദേഹം കാഞ്ഞിരപ്പള്ളി താലൂക്ക് ആശുപത്രി മോര്ച്ചറിയില്.
