തൊടുപുഴ: ഏഴുവയസുകാരനെ ഭിത്തിയില് തലയിടിപ്പിച്ച് കൊന്ന കേസിലെ പ്രതിയായ അമ്മയുടെ കാമുകന് അരുണ് ആനന്ദ് കുട്ടിയുടെ പിതാവിനെ കൊലപ്പെടുത്തിയതാണെന്ന സംശയം ശക്തമാകുന്നു. രണ്ടു വര്ഷം മുന്പ് ദാരുണമായി കൊല്ലപ്പെട്ട ആര്യന്റെ പിതാവ് ബിജുവിനെ മറവ് ചെയ്ത സഥലത്ത് ക്രൈംബ്രാഞ്ച് പരിശോധന നടത്തി. ബിജു മരിച്ച് മാസങ്ങള്ക്കകം ഭാര്യ അജ്ഞന കാമുകനായ അരുണ് ആനന്ദിനൊപ്പം പോവുകയായിരൂന്നു.
രണ്ടുവര്ഷം മുന്പ് ഏഴുവയസുകാരന് ആര്യനെ ഭിത്തിയിലേക്ക് വലിച്ചടിച്ച് കൊലപ്പെടുത്തിയ കുറ്റവാളി അരുണ് ആനന്ദ് ജയിലിലാണ്. ഒപ്പം താമസിച്ചിരുന്ന കാമുകിയുടെ കുട്ടിയേയാണ് കൊലപ്പെടുത്തിയത്. ഇതിന്റെ തുടര്ച്ചയായിട്ടാണ് ആര്യന്റെ അച്ഛന് ബിജുവിന്റെ മരണവും കൊലപാതകമാണോ എന്ന് സംശയിക്കപ്പെടുന്നത്. ക്രൈംബ്രാഞ്ച് ഏറ്റെടുത്ത കേസില് നെയ്യാറ്റിന്കരയിലെ കുടുംബവീട്ടിലെ കുഴിമാടത്തിലാണ് പരിശോധന നടത്തയത് .
ബിജു ഹൃദയാഘാതത്തെ തുടര്ന്ന് മരണപ്പെട്ടുവെന്നായിരുന്നു നിഗമനം. എന്നാല് ബിജു മരിച്ച ദിവസം ഭാര്യ അജ്ഞന ബിജുവിന് കുടിക്കാന് പാല് നല്കിയിരുന്നതായി ഇളയകുട്ടിയുടെ മൊഴിയാണ് സംശയം ശക്തമാക്കുന്നത്. കാമുകനായ അരുണ് ആനന്ദിന്റെ നിര്ദേശപ്രകാരം വിഷം പാലില് കലര്ത്തിയിരുന്നോ എന്നാണ് ക്രൈംബ്രാഞ്ചിന്റെ സംശയം. ബിജു മരിച്ച് അധികനാള് കഴിയും മുന്പ് അഞ്ജന കുട്ടികളുമായി ഭര്ത്താവിന്റെ ബന്ധുകൂടിയായ അരുണ് ആനന്ദിനൊപ്പം പോവുകയായിരുന്നു. രാസപരിശോധന സാമ്പിള് വരാന് കാത്തിരിക്കുകയാണ് തുടര്നടപടികള്ക്കായി ക്രൈംബ്രാഞ്ച്.