തൃശൂര് : മറ്റത്തൂര് കുന്നില് മൂന്നാം ക്ലാസുകാരന് ഷോക്കേറ്റ് മരിച്ചു. ആകര്ഷിനെ വീടിന്റെ എര്ത്ത് കമ്പിയോട് ചേര്ന്ന് ഷോക്കേറ്റ് കിടക്കുന്ന നിലയിലാണ് കണ്ടെത്തിയത്. വ്യാഴാഴ്ച വൈകീട്ട് നാല് മണിയോടെയാണ് എട്ട് വയസ്സുകാരനായ ആകര്ഷിനെ മരിച്ച നിലയില് കണ്ടെത്തുന്നത്. അച്ഛന് കൊണ്ടുവന്ന പലഹാരം കഴിക്കാന് കൈകഴുകാന് പുറത്തിറങ്ങിയതായിരുന്നു ആകര്ഷ്. കൈകഴുകാന് പോയ കുട്ടി തിരിച്ച് വരുന്നത് കാണാതെ വീട്ടുകാര് തിരഞ്ഞ് ചെന്നപ്പോഴാണ് എര്ത്ത് കമ്പിയോട് ചേര്ന്ന് മരിച്ച നിലയില് കണ്ടെത്തിയത്.
കെഎസ്ഇബി ഉദ്യോഗസ്ഥര് സംഭവ സ്ഥലത്തെത്തി പരിശോധിച്ചപ്പോഴാണ് എര്ത്ത് കമ്പിയിലൂടെ വൈദ്യുതി പ്രവഹിക്കുന്നതായി കണ്ടത്തിയത്. പഴയവീടായതിനാല് തന്നെ മണ്ചുമരില് ആണിയടിച്ച നിലയിലായിരുന്നു എര്ത്ത് കമ്പി സ്ഥാപിച്ചിട്ടുള്ളത്. നിഷ പ്രകാശ് ദമ്പതികളുടെ ഏകമകനാണ് ആകര്ഷ്. സംഭവത്തില് കൊടകര ഇലക്ട്രിക്കല് സെക്ഷന് എന്ജിനിറുടെ നേതൃത്വത്തില് പ്രാഥമിക പരിശോധന നടത്തി. കൂടുതല് അന്വേഷണം നടത്തും.
