കൊച്ചി : ഹൃദയശസ്ത്രക്രിയയ്ക്ക് എത്തിച്ച 9 ദിവസം പ്രായമായ കുഞ്ഞ് മരിച്ചു. ലക്ഷദ്വീപില്നിന്ന് കൊച്ചിയില് എത്തിച്ച നവജാതശിശുവാണ് മരിച്ചത്. ഹൃദയത്തിൽനിന്ന് പുറത്തേക്ക് വരുന്ന രക്തത്തിൽ അശുദ്ധരക്തവും കലരുന്നതാണ് കുട്ടിയുടെ പ്രശ്നം. മണിക്കൂറുകള്ക്കു മുമ്പാണ് നവജാതശിശുവിനെ ഹെലി കോപ്റ്ററില് കൊച്ചിയിലേയ്ക്കു കൊണ്ടുവന്നത്.
ലിസി ആശുപത്രിയിലേക്കുളള യാത്രാമധ്യേ കുട്ടിയുടെ നിലവഷളായി തുടർന്ന് അടിയന്തിരമായി തീവ്രപരിചരണ വിഭാഗത്തിലേക്ക് മാറ്റി. അടിയന്തിര ശസ്ത്രക്രിയ ആവശ്യമായതിനാൽ ലക്ഷദ്വീപ് അഡ്മിനിസ്ടേഷന്റെ ഹെലികോപ്റ്ററിൽ കൊച്ചിയിലെത്തിക്കുകയായിരുന്നു.
