ന്യൂഡല്‍ഹി: ഇന്ത്യയിലെ ആദ്യ മൊബൈല്‍ കോവിഡ് ടെസ്റ്റ് ലാബ് കേന്ദ്ര ആരോഗ്യമന്ത്രി ഹര്‍ഷവര്‍ദ്ധന്‍ ഫ്ലാഗ് ഓഫ് ചെയ്തു. രാജ്യത്തിന്റെ ഉള്‍നാടന്‍ പ്രദേശങ്ങളില്‍ മൊബൈല്‍ ലാബ് സേവനം നടത്തും. ഒരു ദിവസം 25 റാപ്പിഡ്, പിസിആര്‍ ടെസ്റ്റുകള്‍ നടത്താനുള്ള സൗകര്യം വാനിലുണ്ട്. 300എലീസ ടെസ്റ്റുകള്‍ ഒരുദിവസം നടത്താന്‍ സാധിക്കും.
ഫെബ്രുവരിയില്‍ ഒരു ടെസ്റ്റിങ് ലാബുമായാണ് നമ്മള്‍ കോവിഡ് 19ന് എതിരെ പോരാടാന്‍ ഇറങ്ങിയത്. ഇന്ന് രാജ്യമെമ്പാടും 953 ലാബുകളുണ്ട്. അതില്‍ 699എണ്ണം സര്‍ക്കാര്‍ ലാബുകളാണ്. ഉള്‍നാടന്‍ പ്രദേശങ്ങളിലേക്ക് ടെസ്റ്റുകള്‍ നടത്താനായി പുതിയ മാര്‍ഗങ്ങള്‍ നടപ്പാക്കുമെന്നും ആരോഗ്യമന്ത്രി പറഞ്ഞു.
