യുവതിയെ വീടിനുള്ളില്‍ തീപ്പൊള്ളലേറ്റ് മരിച്ച നിലയില്‍ കണ്ടെത്തി

തൃശ്ശൂര്‍ : അരിമ്പൂരില്‍  യുവതിയെ വീടിനുള്ളില്‍ തീപ്പൊള്ളലേറ്റ് മരിച്ച നിലയില്‍ കണ്ടെത്തി. എറവ് ചാലാപ്പിള്ളി പ്രസന്ന (49) യാണ് മരിച്ചത്. വിഷാദരോഗത്തിന് ചികിത്സയിലായിരുന്ന യുവതി വീട്ടില്‍ തനിച്ചാണ് കഴിഞ്ഞിരുന്നതെന്ന് പോലീസ് പറഞ്ഞു. അന്തിക്കാട് എസ്.ഐ കെ.എസ് സുശാന്തിന്റെ നേതൃത്വത്തില്‍ പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. കൊവിഡ് ടെസ്റ്റ് നടത്തിയ ശേഷം സംസ്‌കാരം പിന്നീട് നടത്തും. പരേതരായ ദേവകിയമ്മയുടെയും മാധവന്‍ നായരുടെയും മകളാണ് പ്രസന്ന.