ഇറ്റലി : 60 വയസ്സ് പൂർത്തിയായ എല്ലാ ഇന്ത്യൻ പൗരനും പ്രതിമാസം പതിനായിരം രൂപ പെൻഷൻ അനുവദിക്കണമെന്ന് ആവശ്യപ്പെടുന്ന ‘വൺ ഇന്ത്യ വൺ പെൻഷൻ മൂവ്മെന്റ് ഇറ്റലിയില്‍ നാഷണൽ കമ്മിറ്റി രൂപീകരിച്ചു. വിദേശത്തുള്ള ഇന്ത്യക്കാരുടെ ഇടയിൽ ഒ.ഐ.ഒ.പി.ആശയം നെഞ്ചിലേറ്റിയ പ്രവാസികളെ കോർത്തിണക്കി ശക്തമായ പ്രവര്‍ത്തനവുമായാണ് ഇപ്പോൾ മുന്നോട്ടു പോകുന്നതെന്ന് ഒ.ഐ.ഒ.പി.സ്ഥാപക അംഗവും ഓവർസിസ് പ്രസിഡന്റുമായ ബിബിൻ പി. ചാക്കോ പറഞ്ഞു.
ബിബിൻ പി. ചാക്കോയുടെ അധ്യക്ഷതയിൽ കൂടിയ യോഗത്തിൽ ഇറ്റലി സെന്ട്രൽ കമ്മിറ്റി ഭാരവാഹികളായി ജൂഡ്‌സ് ജോസഫ് (പ്രസിഡന്റ്), ജെസ്‌ലി തടത്തിൽ (സെക്രട്ടറി ), സാജുമോൻ (ട്രഷറർ), ജേക്കബ് ജോസഫ്, അമ്പിളി രമേശ് (വൈസ് പ്രസിഡന്റ്മാര്‍), ടിന്റോ തോമസ്, പ്രജിൻ തോമസ് (ജോയിന്റ് സെക്രട്ടറിമാര്‍) , ഷിബു ജോർജ് (മീഡിയ കോർഡിനേറ്റർ), ഷിബി ജോസഫ് (ഓവർസീസ് കമ്മിറ്റി മെമ്പർ), ബിധു മജോ, പയസ് മാത്യു (എക്സിക്യൂട്ടീവ് മെമ്പർമാര്‍)എന്നിവരെ തെരഞ്ഞെടുത്തു.
