കോഴിക്കോട്: മലബാര് മേഖലയില് സ്ഥിരമായി മത്സരിക്കുന്ന മണ്ഡലങ്ങള് മാറി കരുത്തരെ കളത്തില് ഇറക്കുവാനാണ് സി പി ഐയിലെ ആലോചന. ഇതിന്റെ ഭാഗമായി കണ്ണൂര് ജില്ലയില് മത്സരിച്ച് തോല്ക്കുന്ന ഇരിക്കൂര് സി പി ഐ, കേരള കോണ്ഗ്രസിന് വിട്ടുനല്കും.
പകരം കഴിഞ്ഞപ്രാവശ്യം എം വി നികേഷ് കുമാര് മത്സരിച്ച അഴിക്കോട് മണ്ഡലം ഏറ്റെടുക്കും. ഇവിടെയാണ് പന്ന്യന് രവീന്ദ്രനെ മത്സരിപ്പിക്കുവാന് പാര്ട്ടി ആലോചിക്കുന്നത്.
പന്ന്യന് മത്സരിക്കാതെ മാറിനിന്നാല് പി.സന്തോഷ് കുമാറിനെ പരിഗണിക്കും. കാസര്ഗോഡ് ജില്ലയിലെ കാഞ്ഞങ്ങാട് മന്ത്രി ഇ.ചന്ദ്രശേഖരന് വീണ്ടും ജനവിധി തേടും. വയനാട്ടില് ഇക്കുറിയും സി.പി.ഐക്ക് സീറ്റ് ഉണ്ടാവില്ല.
കോഴിക്കോട് ജില്ലയില് സി.പി.ഐ. മത്സരിച്ച് ജയിക്കുന്ന നാദാപുരവും പട്ടികജാതി സംവരണ മണ്ഡലമായ ബാലുശ്ശേരിയും തമ്മില് വെച്ച് മാറണമെന്നാണ് സി പി എമ്മിന്റെ ആവശ്യം.