പാല : എന്.സി.പിയില് നിന്ന് രാജിവെച്ച മാണി സി.കാപ്പന് യു.ഡി.എഫ് വേദിയിലെത്തി. ഐശ്വര്യ കേരള യാത്രയുടെ വേദിയിലെത്തിയ കാപ്പനെ യു.ഡി.എഫ് നേതാക്കളായ രമേശ് ചെന്നിത്തല, ഉമ്മന്ചാണ്ടി, എം.എം ഹസന്, പി.കെ കുഞ്ഞാലിക്കുട്ടി, പി.ജെ ജോസഫ് തുടങ്ങിയവര് ചേര്ന്ന് സ്വീകരിച്ചു.
അനുയായികളോടൊപ്പം ജാഥയായാണ് ഐശ്വര്യ കേരള യാത്രയുടെ വേദിയിലേക്ക് മാണി സി.കാപ്പന് എത്തിയത്. തന്നെ ഇത്രയും കാലം പിന്തുണച്ച മുഖ്യമന്ത്രി പിണറായി വിജയനും മന്ത്രിമാര്ക്കും നന്ദി പറയുന്നതായി മാണി സി.കാപ്പന് പറഞ്ഞു. 16 മാസം കൊണ്ട് 462 കോടിയുടെ വികസനമാണ് പാലായിലുണ്ടായത്. പാലായുടെ വികസന പ്രവര്ത്തനങ്ങള്ക്ക് തടസം സൃഷ്ടിക്കുന്നത് ജോസ് കെ.മാണിയും സി.പി.എം ജില്ലാ സെക്രട്ടറി വി.എന് വാസവനുമാണെന്നും മാണി സി.കാപ്പന് ആരോപിച്ചു.