റാന്നി : ആദിവാസി യുവാവിനെ വീട്ടുമുറ്റത്തെ തേക്കുമരത്തില് തൂങ്ങി മരിച്ച നിലയില് കണ്ടെത്തി. കുന്നം അച്ചടിപ്പാറ ശ്രാമ്പിക്കല് പുത്തന്വീട് വിനീഷ് കുമാര്(26) ആണ് മരിച്ചത്. മാതാപിതാക്കള് മരിച്ച വിനീഷ് ഒറ്റയ്ക്കായിരുന്നു താമസം.
ഇന്നലെ രാത്രി ജോലികഴിഞ്ഞ് ബന്ധുവീട്ടില് എത്തിയിരുന്നു. പിന്നീട് രാവിലെ തൂങ്ങിയ നിലയില് കണ്ടെത്തുകയായിരുന്നു. എസ്.ഐ എസ്. വിമല്, എ.എസ്.ഐമാരായ അനില്കുമാര്, അച്ചന്കുഞ്ഞ്, സി.പി.ഒ സുനില് എന്നിവരുടെ നേതൃത്വത്തില് വെച്ചൂച്ചിറ പോലീസ് സ്ഥലത്തെത്തി മേല്നടപടികള് സ്വീകരിച്ചു. മൃതദേഹം പത്തനംതിട്ട ജനറല് ആശുപത്രിയിലേയ്ക്ക് പോസ്ററുമോര്ട്ടം നടപടിക്കായി മാറ്റി.
