പത്തനംതിട്ട : കോവിഡ് മഹാമാരിയുടെ ദുരിതകാലത്ത് സഹജീവികളുടെ ജീവൻ നിലനിർത്തുന്ന പുണ്യ പ്രവർത്തിയാണ് രക്തദാനം. ഈ മഹത് പ്രവർത്തനത്തിന് നേതൃത്വം നൽകി മുന്നോട്ടു വന്ന യുവാക്കളുടെ സാമൂഹിക പ്രതിബദ്ധതയെയും സൻമനസിനെയും അഭിനന്ദിക്കുന്നുവെന്ന് ജനതാദൾ (എസ്) ജില്ലാ പ്രസിഡന്റ് അലക്സ് കണ്ണമല പറഞ്ഞു. യുവ ജനതാദൾ ആറൻമുള നിയോജക മണ്ഡലം കമ്മിറ്റിയുടെ നേതൃത്വത്തിൽ പത്തനംതിട്ട ജനറൽ ഹോസ്പിറ്റലിൽ സംഘടിപ്പിച്ച രക്തദാന സന്നദ്ധ പത്ര സമർപ്പണ യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യോഗത്തിൽ യുവ ജനതാദൾ (എസ്) ആറൻമുള നിയോജക മണ്ഡലം പ്രസിഡന്റ് ബിജോ പി.മാത്യു അദ്ധ്യക്ഷത വഹിച്ചു. ജനറൽ ഹോസ്പിറ്റൽ ബ്ലഡ് ബാങ്ക് ഓഫീസർ ഡോ.പ്രിറ്റി സക്കറിയ, ജില്ലാ സെക്രട്ടറി സുമേഷ് ഐശ്വര്യ, ബ്ലഡ് ബാങ്ക് കൗൺസിലർ സുനിത, നൗഷാദ് കണ്ണങ്കര, അഡ്വ അൻസിൽ, അഡ്വ.ഹരികൃഷ്ണൻ, അൻസാരി കോന്നി, സുകു പത്തനംതിട്ട തുടങ്ങിയവർ പങ്കെടുത്തു.
