ചിറ്റാർ: കേരള സ്റ്റേറ്റ് കർഷക തൊഴിലാളി യൂണിയൻ പെരുനാട് ഏരിയ കമ്മറ്റിയുടെ നേതൃത്വത്തിൽ ചിറ്റാർ പോസ്റ്റാഫീനു മുൻപിൽ ധർണ്ണ നടത്തി. കേന്ദ്ര സർക്കരിന്‍റെ തൊഴിലാളി വിരുദ്ധനയം പിൻവലിക്കുക, പെട്രോൾ, ഡീസൽ, പാചക വാതക വിലവർദ്ധനവ് പിൻവലിക്കുക, നിർമ്മാണ സാമഗ്രഹികളുടെ വില വർദ്ധനവ് പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് നടത്തിയ ധർണ്ണ കേരള സ്റ്റേറ്റ് കർഷക തൊഴിലാളി യൂണിയൻ ജില്ലാ ട്രഷർ എം.എസ് രാജേന്ദ്രൻ ഉദ്ഘാടനം ചെയ്തു.
യോഗത്തിൽ ഏരിയാ പ്രസിഡന്‍റ് എസ്.ജ്യോതിഷ് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് കെ.എസ് ഗോപി, ജില്ലാ കമ്മിറ്റി അംഗങ്ങളായ രജി തോപ്പിൽ, റോബിൻ കെ തോമസ്, രാധാ പ്രസന്നൻ, ഏരിയാ കമ്മറ്റിയംഗങ്ങളായ പി.കെ റോയി, പി.കെ സുഗതൻ, ടി.എ സുദേവൻ, മിനി അശോകൻ, വിജയൻ, രാജു, ജയ് മോൻ എന്നിവർ സംസാരിച്ചു.
