എയര്‍ അറേബ്യയുടെ കോഴിക്കോട് – അബൂദബി സര്‍വീസ് തുടങ്ങി

അബൂദബി : എയര്‍ അറേബ്യയുടെ കോഴിക്കോട് – അബൂദബി സര്‍വീസ് തുടങ്ങി. എയര്‍ അറേബ്യയുടെ അബൂദബിയിലേക്കുള്ള പുതിയ സര്‍വീസ് ആഴ്ചയില്‍ മൂന്ന് ദിവസമാണ് ഉണ്ടാകുക. ശനിയാഴ്ച രാവിലെ 5.30 മണിക്ക് കരിപ്പൂരിലെത്തിയ വിമാനത്തിന് വിമാനത്താവള അതോറിറ്റിയുടെ നേതൃത്വത്തില്‍ വാട്ടര്‍ സല്യൂട്ട് നല്‍കി സ്വീകരിച്ചു. നവംബര്‍ 14 മുതലാണ് സര്‍വീസ് പ്രഖ്യാപിച്ചിരുന്നതെങ്കിലും യാത്രക്കാരുടെ ബുക്കിംഗ് കൂടിയതോടെ സര്‍വീസ് ശനിയാഴ്ച മുതല്‍ ആരംഭിക്കുകയായിരുന്നു. തിങ്കള്‍, ബുധന്‍, വെള്ളി ദിവസങ്ങളില്‍ പുലര്‍ച്ചെ 5.25 ന് കരിപ്പൂരില്‍ നിന്ന് പുറപ്പെടുന്ന വിമാനം 8.10ന്  അബൂദബിയില്‍ എത്തും. ചൊവ്വ, വ്യാഴം, ശനി ദിവസങ്ങളില്‍ രാത്രി 11.30 ന് പുറപ്പെടുന്ന വിമാനം അടുത്ത ദിവസം പുലര്‍ച്ചെ അഞ്ചുമണിക്ക് കരിപ്പൂരിലെത്തും.