കൊച്ചി : കൊച്ചിൻ ഷിപ് യാർഡ് ലിമിറ്റഡ് മറൈൻ എൻജിനിയറിങ് ട്രെയിനിങ് ഇൻസ്റ്റിറ്റ്യൂട്ട് നടത്തുന്ന ഗ്രാജ്വേറ്റ് മറൈൻ എൻജിനിയറിങ് ട്രെയിനിങ് പ്രോഗ്രാം പ്രവേശനത്തിന് അപേക്ഷിക്കാം. കേന്ദ്ര സർക്കാരിന്റെ ഡയറക്ടറേറ്റ് ജനറൽ ഓഫ് ഷിപ്പിങ് (ഡി.ജി.എസ്.) അംഗീകാരമുള്ള കോഴ്സിലേക്ക് എൻജിനിയറിങ്ങിൽ 50 ശതമാനം മാർക്കോടെയുള്ള, മെക്കാനിക്കൽ /മറ്റ് സ്ട്രീമുകളോടെയുള്ള മെക്കാനിക്കൽ, നേവൽ ആർക്കിടെക്ചർ മറ്റു സ്ട്രീമുകളോടെയുള്ള നേവൽ ആർക്കിടെക്ചർ, മറൈൻ എൻജിനിയറിങ് (ഡി.ജി.എസ്. ഇതര, എ.ഐ.സി.ടി.ഇ /യു.ജി.സി അംഗീകൃതം) എന്നിവയിലെ ബിരുദധാരികൾക്ക് അപേക്ഷിക്കാം.
10 ലോ 12 ലോ ഇംഗ്ലീഷിലും 50 ശതമാനം മാർക്ക് വേണം. പ്രായപരിധി 2022 ജനുവരി ഒന്നിന് 28 വയസ്സ്. പ്രവേശന സമയത്ത് ഇന്ത്യൻ പാസ്പോർട്ട് വേണം. വിശദാംശങ്ങളും അപേക്ഷയുടെ മാതൃകയും www.cochinshipyard.com ലെ മറൈൻ എൻജിനിയറിങ് ലിങ്കിലെ പ്രോഗ്രാമിന്റെ ജോയനിങ് ഇൻസ്ട്രക്ഷൻസ് എന്നതിൽ ലഭിക്കും.
പൂരിപ്പിച്ച അപേക്ഷയും അനുബന്ധ രേഖകളും സ്പീഡ് പോസ്റ്റ് വഴി ഹെഡ് ഓഫ് ദി ഡിപ്പാർട്ട്മെന്റ്, മറൈൻ എൻജിനിയറിങ് ട്രെയിനിങ് ഇൻസ്റ്റിറ്റ്യൂട്ട്, കൊച്ചിൻ ഷിപ് യാർഡ് ലിമിറ്റഡ്, കൊച്ചി : 682020 എന്ന വിലാസത്തിലോ [email protected] വഴിയോ നവംബർ 30 നകം ലഭിക്കണം. ജനുവരി ഒന്നിന് കോഴ്സ് തുടങ്ങും.
