പൂന്തുറ : വീട്ട് വളപ്പില്‍ സൂക്ഷിച്ചിരുന്ന സ്‌കൂട്ടര്‍ മോഷ്ടിച്ച്‌ തമിഴ്‌നാട്ടിലെ മാര്‍ത്താണ്ഡത്ത് വില്‍പ്പന നടത്തിയ കേസിലെ പ്രതിയെ പൂന്തുറ പോലീസ് അറസ്റ്റ് ചെയ്തു. കളിയാക്കാവിള കോയി വിളയി സ്വദേശി മുഹമ്മദ്ഖാന്‍ ആണ് പൂന്തുറ പോലീസിന്റെ പിടിയിലായത്. ബീമാപളളി സ്വദേശിയുടെ ഒരു വര്‍ഷം പഴക്കമുള്ള സ്‌കൂട്ടറാണ് പ്രതി മോഷ്ടിച്ചത്. മാര്‍ത്താണ്ഡത്ത് 5000 രൂപയ്ക്ക് വിറ്റ സ്‌കൂട്ടര്‍ പോലീസ് കണ്ടെടുത്തു. ഇക്കഴിഞ്ഞ 13 നാണ് സ്‌കൂട്ടര്‍ മോഷണം നടന്നത്.
സ്‌കൂട്ടറിന്റെ ഉടമ എറണാകുളത്ത് പോയി മടങ്ങിവന്നപ്പോള്‍ വീട്ടിലുണ്ടായിരുന്ന സ്‌കൂട്ടര്‍ കാണാനില്ലായിരുന്നു. ഉടമ പൂന്തുറ പോലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്. സ്‌കൂട്ടര്‍ ഉടമയുമായി പരിചയമുളളയാളാണ് പ്രതിയെന്ന് പോലീസ് പറഞ്ഞു. പൂന്തുറ എസ്‌എച്ച്‌ഒ പ്രദീപ്.ജെ , എസ്‌ഐ ജയപ്രകാശ്, സിപിഒ ബിജു ആര്‍ നായര്‍ എന്നിവരടങ്ങിയ സംഘമാണ് പ്രതിയെ അറസ്റ്റുചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
