മുംബൈ : ഏവിയേഷന്‍ യൂണിയന്‍ ഓഫീസില്‍ മദ്യപാനത്തിനിടെ ഒരാളെ തല്ലിക്കൊന്നു. സാന്താക്രൂസിലെ ഓഫീസില്‍ ഞായറാഴ്ച രാത്രിയാണ് സംഭവം.എയര്‍പോര്‍ട്ട് അതോറിറ്റി ഓഫ് ഇന്ത്യയിലെ ജീവനക്കാരനാണ് മരിച്ചത്.ഞായറാഴ്ച രാത്രി എയര്‍പോര്‍ട്ട് അതോറിറ്റി ഓഫ് ഇന്ത്യയുടെ യൂണിയന്‍ ഓഫീസില്‍ നടന്ന മദ്യ വിരുന്നിടെയാണ് സംഭവം. മദ്യപാനത്തിനിടെ നിഖില്‍ ശര്‍മ്മ(30) എന്ന യുവാവ് ചിലരുമായി വഴക്കിട്ടത് സംഘര്‍ഷത്തിന് കാരണമായി.
ഇത് ചോദിക്കാന്‍ എത്തിയ 50 കാരനായ അബ്ദുള്‍ ഷെയ്ഖിനും മര്‍ദ്ദനമേറ്റു. മദ്യലഹരിയില്‍ നിഖില്‍ ഷെയ്ഖിനെ അതി ക്രൂരമായി മര്‍ദിച്ചു. പ്രതിയെ സാന്താക്രൂസ് പോലീസ് അറസ്റ്റ് ചെയ്തിട്ടുണ്ട്. പാര്‍ട്ടിക്കിടെ നിഖില്‍ നിരവധി പേരുമായി വഴക്കിടുകയും മര്‍ദിക്കുകയും ചെയ്തതായി പോലീസ് പറയുന്നു. കൊല്ലപ്പെട്ട ഷെയ്ഖ് എയര്‍പോര്‍ട്ട് അതോറിറ്റി ഓഫ് ഇന്ത്യയിലെ ജീവനക്കാരനാണ്.
