ചെങ്ങന്നൂർ : കുടുംബ ബന്ധങ്ങൾ ശക്തമാകുമ്പോൾ മാത്രമേ സമൂഹത്തിന് നല്ലതലമുറകളെ വാർത്തെടുക്കാൻ കഴിയുകയുള്ളുവെന്ന് പരിശുദ്ധ ബസേലിയോസ് മാർത്തോമ്മ മാത്യൂസ് തൃതിയൻ കാതോലിക്ക ബാവാ. ദുബായ് ഫാമിലി ഫോറത്തിന്റെ 20-ാംമത് വാർഷിക സമ്മേളനം മുളക്കുഴ സി.സി പ്ലാസയിൽ ഉദ്ഘാടനം ചെയ്യുകയായിരുന്നു അദ്ദേഹം. ദുബായ് ഫാമിലി ഫോറത്തിന്റെ മാനവ സേവാ അവാർഡ് നേടിയ സി.സി ചെറിയാൻ സമൂഹത്തിനും മലങ്കര ഓർത്തഡോക്സ് സഭയ്ക്കും നൽകുന്ന സേവനങ്ങൾ സ്മരണീയമാണെന്ന് കാതോലിക്ക ബാവാ പറഞ്ഞു.
ഡോ.മാത്യൂസ് മാർ തീമോത്തിയോസ് അധ്യക്ഷത വഹിച്ചു. സി.സി. ചെറിയാൻ രചിച്ച “നിയോഗ വഴികളിൽ നിറമനസ്സോടെ” എന്ന ഗ്രന്ഥത്തിന്റെ പ്രകാശനം ആരോഗ്യ വകുപ്പുമന്ത്രി വീണാ ജോർജ് സാഹിത്യകാരൻ ബന്യാമിന് നൽകി പ്രകാശനം ചെയ്തു. സജീ ചെറിയാൻ എം.എൽ.എ മാനവ സേവാ അവാർഡ് സി.സി ചെറിയാന് നൽകി. കൂര്യ ക്കോസ് മാർ ക്ലീമ്മിസ്, പി.സി വിഷ്ണുനാഥ് എം.എൽ.എ, ഫാ.മാത്യൂ എബ്രഹാം കാരയ്ക്കൽ, മുളക്കുഴ പഞ്ചായത്ത് പ്രസിഡന്റ് എൻ.പത്മകുമാർ, ബി.ജെ.പി ജില്ലാ പ്രസിഡന്റ് എം.വി ഗോപകുമാർ, ജേക്കബ് ഉമ്മൻ, കെ.ജോർജ് കുട്ടി, സി.സി ചെറിയാൻ എന്നീ വർ പ്രസംഗിച്ചു.
