തിരുവനന്തപുരം : ലഹരിക്കേസുകളിലെ എന്‍ഡിപിഎസ് നിയമം ഭേദഗതി ചെയ്യാന്‍ കേന്ദ്രസര്‍ക്കാരില്‍ സമ്മര്‍ദം ചെലത്താന്‍ കേരളം. എംപിമാര്‍ മുഖേന ഇക്കാര്യം ലോക്‌സഭയില്‍ ഉന്നയിക്കാനാണ് തീരുമാനം. പിടിക്കപ്പെടുന്ന ലഹരിമരുന്നിന്‍റെ അളവിന്‍റെ അടിസ്ഥാനത്തിലാണ് ജാമ്യം നല്‍കുന്നതടക്കമുള്ള നടപടികള്‍ സ്വീകരിക്കുക.
നിയമത്തിലുള്ള പഴുതുകള്‍ മൂലം പ്രതികള്‍ രക്ഷപ്പെടാന്‍ കാരണമാകുന്നുണ്ട്. പലപ്പോഴും ചെറിയ ശിക്ഷമാത്രമായോ കിട്ടി പ്രതികള്‍ രക്ഷപ്പെടുന്നു. ഈ കാര്യങ്ങള്‍ ചൂണ്ടിക്കാട്ടിയാണ് നിയമഭേദഗതിക്ക് കേരളത്തിന്‍റെ ഇടപെടല്‍. ലഹരി വ്യാപനം തടയാനും കുറ്റക്കാര്‍ക്ക് കടുത്ത ശിക്ഷ ഉറപ്പാക്കാനുമാണ് ഇത്തരത്തില്‍ ഒരു തീരുമാനം.
