തിരുവനന്തപുരം : അന്തരിച്ച സി പി എം നേതാവ് കോടിയേരി ബാലകൃഷ്ന്‍റെ മൂത്ത മകന്‍ ബിനോയ് കോടിയേരിയും ബിഹാറി യുവതിയും തമ്മിലെ തര്‍ക്കം ഹൈക്കോടതിയില്‍ വെച്ച്‌ താല്‍ക്കാലികമായി തീര്‍പ്പാക്കിയെങ്കിലും ഈ വിഷയത്തില്‍ ഭാവിയില്‍ വീണ്ടും കേസുകള്‍ ഉയരാമെന്നാണ് നിയമവൃത്തങ്ങള്‍ നല്‍കുന്ന സൂചന. ചെന്നു ചാടിയ കുരുക്കില്‍ നിന്നും ബിനോയിക്ക് അത്ര പെട്ടെന്ന് രക്ഷപ്പെടാനാവില്ല.
ബിനോയി ദുബായിലായിരുന്ന കാലത്താണ് ഡാന്‍സ് ബാറിലെ നര്‍ത്തകിയുമായി അടുപ്പത്തിലാവുന്നതും ഒരു ആണ്‍കുഞ്ഞ് ജനിക്കുന്നതും. ഒത്തുതീര്‍പ്പ് കരാറില്‍ കുട്ടിയുടെ പിതൃത്വം ബിനോയ് നിഷേധിച്ചിട്ടില്ല. ഇതാണ് ഭാവിയില്‍ ബിനോയ്ക്ക് കുരുക്ക് ആവുക. ഒത്തുതീര്‍പ്പിന്‍റെ അടിസ്ഥാനത്തില്‍ ബിനോയ്ക്ക് എതിരെയുള്ള കേസുകള്‍ എല്ലാം പിന്‍വലിക്കുന്നതായി യുവതി വ്യക്തമാക്കിയിട്ടുണ്ട്. 80 ലക്ഷം രൂപ ഒത്തുതീര്‍പ്പിന്‍റെ ഭാഗമായി ബിനോയി യുവതിക്ക് നല്‍കിയെന്നാണ് പുറത്തുവന്ന വാര്‍ത്തകള്‍. എന്നാല്‍ കൈമാറിയ യഥാര്‍ത്ഥ തുക ഇതിലധികം വരുമെന്നാണ് സൂചന.
ഇവിടെ ബിനോയിയും യുവതിയും തമ്മിലാണ് ഒത്തു തീര്‍പ്പ് ഉണ്ടാക്കിയിരിക്കുന്നത്. എന്നാല്‍ യുവതിയുടെ കുട്ടി ( ബിനോയിയുടെ പുത്രന്‍) ഒത്തുതീര്‍പ്പിന്‍റെ ഭാഗമല്ല. കുട്ടി മൈനറാണെന്ന് കരാറില്‍ പറഞ്ഞിട്ടുണ്ട്. ഭാവിയില്‍ കുട്ടി പ്രായപൂര്‍ത്തി ആകുമ്പോഴാണ് ബിനോയിക്ക് ഭയക്കേണ്ടി വരിക. കുട്ടിക്ക് തന്‍റെ പിതൃത്വം തെളിയിക്കാന്‍ നിയമ വഴി സ്വീകരിക്കാം. ഒപ്പം പിതൃസ്വത്തില്‍ അവകാശവും ഉന്നയിക്കാം.
ഇപ്പോള്‍ യുവതി വാങ്ങിച്ചെടുത്ത തുക അതിന് തടസമല്ല. അങ്ങനെ നോക്കുമ്പോള്‍ ഇപ്പോഴത്തെ ഒത്തുതീര്‍പ്പ് കരാര്‍ കൊണ്ട് ബിനോയിയുടെ പ്രശ്‌നങ്ങള്‍ അവസാനിക്കുന്നില്ല എന്ന് ചുരുക്കം. ബിനോയ് കോടിയേരിയുടെ പേരില്‍ ബിഹാര്‍ സ്വദേശിനി നല്‍കിയ ബലാത്സംഗക്കേസ് അവസാനിച്ചപ്പോള്‍ ബിനോയ് കോടിയേരിക്ക് ആശ്വാസമായത് ബെഞ്ച് മാറ്റമാണ്.
