റാന്നി : പെരുനാട്ടിൽ ഗൃഹനാഥൻ ആത്മഹത്യ ചെയ്തതിൽ കുറ്റക്കാരായ സിപിഎം നേതാക്കളെ അറസ്റ്റ് ചെയ്യാത്തതില് പ്രതിഷേധിച്ചുകൊണ്ട് ബിജെപി റാന്നി മണ്ഡലം കമ്മറ്റിയുടെ നേതൃത്വത്തിൽ നടത്തിയ പ്രതിഷേധയോഗം ബിജെപി ദക്ഷിണ മേഖലാ പ്രസിഡന്റ് കെ സോമൻ ഉദ്ഘാടനം ചെയ്തു. പെരുനാട് പഞ്ചായത്ത് പ്രസിഡന്റ് പി എസ് മോഹനൻ, കണ്ണനുമൺ വാർഡ് മെമ്പർ വിശ്വൻ, സിപിഎം ലോക്കൽ സെക്രട്ടറി റോബിൻ കെ തോമസ് എന്നിവരുടെ ഭീഷണിയിൽ മനംനൊന്താണ് താന് ആത്മഹത്യ ചെയ്യുന്നതെന്ന് ഗൃഹനാഥൻ കുറിപ്പെഴുതി വെച്ചിരുന്നു. വ്യക്തമായ ആത്മഹത്യാ കുറിപ്പ് കണ്ടെത്തിയിട്ടും പ്രതികളെ അറസ്റ്റ് ചെയ്യാതെ പോലീസ് ഉരുണ്ടുകളിക്കുകയാണെന്ന് ബി.ജെ.പി ആരോപിച്ചു.
ബിജെപി റാന്നി മണ്ഡലം പ്രസിഡന്റ് സന്തോഷ് കുമാർ അധ്യക്ഷത വഹിച്ചു. ജില്ലാ പ്രസിഡന്റ് വി എ സൂരജ് മുഖ്യപ്രഭാഷണം നടത്തി. അഡ്വക്കേറ്റ് ഷൈൻ ജി കുറുപ്പ്, അനോജ് കുമാർ, ഗോപാലകൃഷ്ണൻ കർത്താ, മഞ്ജു പ്രമോദ്, വിനോദ് കുമാർ , ബിനു സി മാത്യു , അരുൺ അനിരുദ്ധൻ, രാജീ വിജയകുമാർ , രവീന്ദ്രൻ മന്ദിരം, അനീഷ് പി നായർ , മഞ്ജുള ഹരി, പ്രതീഷ്, സോമസുന്ദരൻ പിള്ള , വസന്താ സുരേഷ്, രാമചന്ദ്രൻ നായർ , വാസുദേവൻ അമ്പാട്ട് , ബിജു വേങ്ങഴ , പ്രസാദ് പി ജി , അജിതാ റാണി, കമലാസനൻ എന്നിവർ സംസാരിച്ചു.