ഉത്തർപ്രദേശ : ജ്വല്ലറിയിൽ നിന്ന് ലക്ഷങ്ങൾ വിലവരുന്ന നെക്ലയ്സ് മോഷ്ടിക്കുന്ന സ്ത്രീ. ഉത്തർപ്രദേശിലെ ഗൊരഖ്പൂരിലുള്ള ഒരു ജ്വല്ലറിയിലെ വീഡിയോയാണ് സോഷ്യൽ മീഡിയയിൽ പ്രചരിക്കുന്നത്. കൂളിംഗ് ഗ്ലാസും മാസ്‌കും ധരിച്ച് ആഭരണങ്ങൾ വാങ്ങാൻ എത്തിയ സ്ത്രീ നെക്ലയ്സ് മോഷ്ടിക്കുന്നതാണ് വീഡിയോയിലുള്ളത്.
നെക്ലയ്സ് സാരിയ്ക്കുള്ളിൽ ഒളിപ്പിക്കുന്നത് വീഡിയോയിൽ കാണാം. ഈ മാസം 17നാണ് കേസിനാസ്പദമായ സംഭവം നടക്കുന്നത്. കൗണ്ടറിൽ നിൽക്കുന്ന ജീവനക്കാരോട് നക്ലയ്‌സുകൾ കാണിക്കാൻ ഇവർ ആവശ്യപ്പെടുന്നുണ്ട്. ഇതിനിടെ ഒരു നക്ലൈസ് ഇവർ വിദഗ്ധമായി സാരിയ്ക്കുള്ളിൽ ഒളിപ്പിക്കുകയായിരുന്നു. സാരിയ്ക്കുള്ളിൽ നക്ലൈസ് അടങ്ങിയ ബോക്‌സ് ഒളിപ്പിച്ച ശേഷവും ഇവർ വിവിധ മാലകൾ പരിശോധിക്കുന്നുണ്ട്.
