പുത്തൂര്: ഭര്ത്താവിനെ വീഡിയോ കോള് ചെയ്ത ശേഷം യുവതി ജീവനൊടുക്കി. മംഗളൂരു പുത്തൂര് സ്വദേശിനി പുണ്യശ്രീ (32) ആണ് മരിച്ചത്. പുണ്യശ്രീ അടുത്ത ബന്ധുവിനെ ഫോണില് വിളിച്ച് താന് മരിക്കാന് പോവുകയാണെന്ന് അറിയിച്ചിരുന്നു. പിന്നാലെ കിണറ്റില് ചാടി ജീവനൊടുക്കിയെന്നാണ് വിവരം. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
ബല്ത്തങ്ങാടി സ്വദേശിയായ പുരുഷോത്തമനാണ് പുണ്യശ്രീയുടെ ഭര്ത്താവ്. കഴിഞ്ഞ ദിവസം ഭര്ത്താവുമായി യുവതി വീഡിയോ കോളില് സംസാരിച്ചു. പിന്നാലെ അമ്മായിയെ ഫോണില് വിളിച്ച് മരിക്കാന് പോവുകയാണെന്ന് അറിയിക്കുകയായിരുന്നു. പിന്നാലെ ജീവനൊടുക്കിയെന്നാണ് വിവരം. സംഭവ ദിവസം സ്വന്തം വീട്ടിലായിരുന്നു യുവതി. മരണകാരണം എന്താണെന്ന് വ്യക്തമല്ല. പോലീസ് അന്വേഷണം പുരോഗമിക്കുകയാണ്.
