കണ്ണൂര്: ബോണസ് അനുവദിക്കാത്തതില് പ്രതിഷേധിച്ച് കണ്ണൂരില് പെട്രോള് പമ്പ് തൊഴിലാളികള് നടത്തി വന്ന അനിശ്ചിതകാല പണിമുടക്ക് അവസാനിപ്പിച്ചു. തൊഴിലാളികള് ആവശ്യപ്പെട്ട പതിനേഴ് ശതമാനം ബോണസ് എന്ന ആവശ്യം പമ്പ് ഉടമകള് അംഗീകരിക്കുകയായിരുന്നു. കലക്ടറുടെ അധ്യക്ഷതയില് നടന്ന ചര്ച്ചയിലാണ് തീരുമാനം. ഇതിന്റെ അടിസ്ഥാനത്തിലാണ് പെട്രോള് പമ്പ് തൊഴിലാളികള് അനിശ്ചിതകാല പണിമുടക്ക് അവസാനിപ്പിച്ചത്.
സിഐടിയു, ഐഎന്ടിയുസി, ബിഎംഎസ് സംഘടനകളുടെ നേതൃത്വത്തിലാണ് പണിമുടക്കുന്നത്. ജില്ലാ ലേബര് ഓഫീസര് ആറുതവണ യോഗം വിളിച്ചിട്ടും ബോണസ് നല്കില്ലെന്ന ഉടമകളുടെ നിഷേധാത്മക നിലപാടില് പ്രതിഷേധിച്ചാണ് പണിമുടക്കിയത്.
