കോഴിക്കോട്: എലത്തൂര് ട്രെയിന് തീവെപ്പ് കേസ് പ്രതി ഷാറൂഖ് സെയ്ഫിക്കായി ജാമ്യാപേക്ഷ സമര്പ്പിച്ചു. കോഴിക്കോട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് 1 കോടതിയില് ലീഗല് എയ്ഡ് ഡിഫന്സ് കൗണ്സലാണ് ജാമ്യാപേക്ഷ നല്കിയത്. ലീഗല് എയ്ഡ് ഡിഫന്സ് കൗണ്സലിലെ ചീഫ് ഡിഫന്സ് കൗണ്സില് അഡ്വ പീതാംബരനാണ് ജാമ്യാപേക്ഷ സമര്പ്പിച്ചിരിക്കുന്നത്. ജാമ്യാപേക്ഷ ഈ മാസം 18 ന് പരിഗണിക്കാനായി മാറ്റി. അതേസമയം, ഷാരൂഖ് സെയ്ഫിയുമായുള്ള തെളിവെടുപ്പ് ഇന്നും തുടര്ന്നു. എലത്തൂരിലും ഷൊര്ണൂരിലുമാണ് തെളിവെടുപ്പ്.
ഏപ്രില് രണ്ടിനാണ് ഷാറൂഖ് സെയ്ഫി ട്രെയിന് തീയിട്ടത്. ആലപ്പുഴ കണ്ണൂര് എക്സിക്യൂട്ടീവ് എക്സ്പ്രസ്സ് ട്രെയിനില് കോച്ചിനുള്ളില് യാത്രക്കാര്ക്ക്മേല് പെട്രോള് ഒഴിച്ച് തീകൊടുക്കുകയായിരുന്നു. ആക്രമണത്തില് മൂന്ന് പേര് മരിക്കുകയും എട്ട് പേര്ക്ക് പരിക്കേല്ക്കുകയും ചെയ്തിരുന്നു.
